Претставници на Синдикатот на работниците од управата, правосудните органи и здруженија на граѓани на РМ (УПОЗ), остварија прва работна средба со министерот за дигитална трансформација Стефан Андоновски.

На првата средба претседателот на Синдикатот на УПОЗ Трпе Деаноски, Генералниот секретар Бојан Трипуноски и претседателот на С.О при МИОА Сашо Митев, со министерот Андоновски разговараа за неколку прашања кои се важни за членовите на Синдикатот на УПОЗ.

Сепак главна тема која што го задржа нивното внимание беше активноста поврзана со потпишувањето на Колективен договор во Министерството за дигитална трансформација и започнување на преговори за утврдување на коефициентот за плата согласно Општиот Колективен договор за јавниот сектор.

Министерот беше запознаен и со сите отворени прашања кои се од голема важност за вработените не само во Министерството за дигитална трансформација туку и во целата дражвна управа и беше побарана поддршка и заложба овие отворени прашања итно да се решат.

Министерот Стефан Андоновски истакна дека еден од приритетите на новата Влада е да се задржат квалитетните кадри на работа и заедно со Синдикатот на УПОЗ да се изнајде решение со кое вработените би добиле повисоки плати согласно критериумите во Колективните договори и законите.

На 11. Конгрес на Европската федерација на синдикатите од јавниот сектор, Претседателот на Синдикатот на УПОЗ Трпе Деаноски е избран за член на Извршниот одбор на ЕПСУ. Оваа функција, Претседателот Деноски ќе ја обавува пет години, и ќе го преставува Синдикатот на УПОЗ во ЕПСУ а со тоа ќе се залага за унапредвуање на правата на своите членови.

Му го честитаме изборот на Претседателот Деаноски и му посакуваме успешна работа во периодот кој следи. 

Под мотото “Време е за јавниот сектор” oд 18. до 20. Јуни, во Букурешт се одржува 11. Конгрес на European Public Service Unions (EPSU), на кој учествуваат 600 учесници од целиот свет.

На покана на ЕПСУ тимиот за организација и регрутирање нови членови, Претседателот на Синдикатот на УПОЗ Трпе Деаноски беше еден од учесниците на панел дискисијата, кој ја презентираше две годишната работа на Синдикатот на УПОЗ за зголемување на членството, предизвиците и формирањето на новите синдикални организации.

“Во колективното преговарање не можете сами, не можат двајца или тројца да го водат целиот процес, потребен е цел тим за да имате успешни преговори позади себе. Тимот на Синдикатот на УПОЗ не е голем, па одлучивме за сите наши успеси и потпишување на Колективни договри, да правиме објави на социјалните мрежи за да допреме до што повеќе членови и потикнеме повеќе работодавачи. Владата во 2021 година, не ги усогласи платите и забрани нивно зголемување, но најдовме начин да делуваме на локално ниво, да ги унапредуваме правата од работен однос и да ги зголемуваме платите, а со самото тоа да се зголемуваше и членството во Синдикатот на УПОЗ. Доста сме застапени во медиумите, во последната година организиравме повеќе штрајкови и протести, и ја користиме секоја прилика која ќе ни биде укажана да ги унапредиме правата на членовите на Синдикатот на УПОЗ преку потпишување на Колективни договори. Важно е да се работи со членството, да се слушнати нивни идеи, и да се организираат редовни средби, само така може да имаме јак Синдикат” – посочи Претседателот Трпе Деаноски, на панел дискусијата.

#EPSUCONGRESS2024
#TimeForPublicServeces