Скалесто зголемување на платите во администрацијата, измена на Законот за административни службеници и Законот за вработените во јавнито сектор, исплата на регресот за годишен одмор за 2020 и 2022 година и отпочнување на преговори за продолжување на Гранскиот колективен договор, беа дел од прашањата на Синдикатот на кои се разговараа на средбата со Министерот Адмирим Алити.

На барање на Синдикатот на УПОЗ,  Претседателот на Синдикатот Трпе Деаноски, Генералниот секретар Бојан Трипуноски, претседателот на Одборот за административни службеници Зоран Георгиевски и членот на Извршниот одбор Александар Диље одржаа работна средба со Министерот за информатичко општество и администрација (МИОА) г – дин Адмирим Алити.

На оваа средба се разговарање за неколку прашања кои се од интерес на вработените, а најголем акцент беше ставен на покачувањето на минималанта плата, а со тоа и барањето на Синдикатот на УПОЗ скалесто усогласување на останатите плати. Претседателот Деаноски укажа дека доколку скалесто не се усогласат платите со порастот на минималната плата, системот на плати во државната администрација нема да функционира. Од страна на Министерот Алити беше посочено дека МИОА веќе преземало активности за решавање на ова прашање и дека очекува до крајот на месец февруари да се направи измена на Законот за административни службеници во делот на платите со што ќе има усогласување на платите во државната администрација.

Во однос на измените на Законот за административни службеници и Законот за вработени во јавен сектор, преставниците на Синдикатот побараа во најбрз можен рок да се формираат работни групи помеѓу Синдикатот и МИОА, и истите да отпочнат со подготовка на измени кои ќе бидат од суштинско значење за вработените во државната администрација.

Третото прашање кое беше разговарано на средбата беше исплата на регресот за годишен одмор за 2020 и 2022 година, право кое на вработените во државната администрација им следува согласно Гранскиот колективен договор. Ова прашање беше покренато од страна на Синдикатот со оглед што во Буџетот за 2022 година, не се предвидени средства за исплата на популаното К-15, а за 2020 година, регресот воопшто не беше исплатен. Министерот Алити ги информираше преставниците на Синдикатот дека регресот за годишен одмор е загарантиран во Колективниот договор и дека со ребаланс на буџетот ќе бидат обезбедни средства за исплата на регрес за годишен одмор. Исто така на крајот, напомена дека на седница на Владата ќе го покрене и прашањето за не исплатата на регресот за годишен одмор за 2020 година, со оглед што веќе се покренати тужби во граѓанскиот суд за остварување на ова право, а со цел да се спречи дополнително оштетување на буџетот со исплата на адвокатски и судски трошоци.

Претседателот Деаноски го информираше Министерот Алити дека потербно е да се оформат работни групи со цел отпочнување на преговори за подготовка на нов Грански колективен договор во кој доплнително ќе бидат унапредени правата од работен однос со поголеми права за вработените. Двете страни се согласија дека тоа е повеќе од потребно, затоа што само задоволен работник е продуктивен работник.  

На крајот двете страни истакна дека соработката помеѓу Синдикатот на УПОЗ и МИОА уште повеќе ќе се надгради и дека социјалното партнерство ќе продолжи со учество на Синдикатот на УПОЗ во сите фази од најавената реформа на администрацијата.

Со зголемување на минималната плата и немањето слух на Владата скалесто да се покачат останатите плати, ќе се оствари она што Синдикатот на УПОЗ го прогнозираше, а тоа е крах на системот на плати во администрацијата и правосудството.

За Синдикатот на УПОЗ е несфатливо не знаењето на Владата за начинот на пресметка и исплата на плати на сопствените работници. Со новата вредност на минималната плата Владата за првпат во историјата на Македонија ќе направи цела категорија вработени во администрацијата кои досега беа барем малку над минималната плата сега да примат минимална плата.

Со самото тоа Владата прво ги омаловажува и понижува своите вработени и второ го зголемува процентот на вработени кои примаат минимална плата во државата од 13.8% на скоро 18%.

До ваквата ситуација дојдовме поради фактот дека од моментот на воведување на минималната плата во 2012 година, па до последното зголемување од понеделникот, минималната плата ќе биде зголемена за неверојатни 120%, а платите во администрацијата и правосудството од 2012 до сега се зголемени за 9 или 10%.

Исто така, во последните години со политиките на Владата платите на вработените во одредени делови во јавниот сектор се зголемија за дури 25%, а платите во администрацијата и правосудството не беа зголемени ниту еднаш.

Доколку Владата ги почитуваше сопствените закони и вршеше усогласување на платите со порастот на минималната плата како што тоа е пропишано во членот 8 од Законот за минималната плата до ваквата состојба воопшто немаше ни да дојде.

Во администрацијата и правосудството системот на плати е базиран на бодови кои се добиваат по два основи: за образование и за нивото на кое е распореден вработениот.

Доколку не се спроведе скалесто усогласување на платите ќе се случи вработените од пониските нивоа да ги престигнат вработените во повисоките нивоа, или вработените со средно образование да ги престигнат вработените со високо образование. Или како што кажав на почетокот тотално не функционирање на системот на плати во администрацијата и правосудството.

Сето ова беше укажувано од страна на Претседателот Деаноски на седниците на Економско – социјалниот совет и на сите состаноци кои Синдикатот а УПОЗ ги имал со ресорните министри во минатото.

Од тие причини Синдикатот на УПОЗ бара од Владата заедно со измената на Законот за минималната плата, во скратена постапка да направи измени и на посебните закони кои ги регулираат платите на вработените во администрацијата и правосудството, на начин што вредноста на минималната плата да биде земена како основна плата на вработените и сите вработени да имаат одредени бодови за ниво.

На овој начин ниту еден вработен во администрацијата не би бил на минимална плата и за првпат ќе имаме усогласување на платите во администрацијата и правосудството со порастот на минималната плата.

Доколку истото не се случи Синдикатот на УПОЗ ќе биде приморан да ја активира одлуката донесена на Претседателството на Синдикатот во месец ноември и не задовослтвото на вработените ќе го изрази преку организирање на протести и блокирање на работа на одредени институции.

Отпочнување на преговори за потпишување на Колективен договор за вработените во Општина Битола, едно од главните прашања на средбата помеѓу Синдикатот на УПОЗ и Градоначалникот на Општина Битола.

На барање на Синдикатот на УПОЗ на ден 08.02.2022 година, се одржа работна средба на која присуствуваа Претседателот на Синдикатот на УПОЗ Трпе Деаноски, Генералниот секретар Бојан Трипуноски, претседателот на Синдикалната организација Александар Ничков и заменик претседателот на синдикалната организација Гордана Цветковска Бошевска од едната страна и Градоначалникот на Општина Битола д-р Тони Коњановски и Генераниот секретар на Општина Битола Борче Димитровски од другата страна.

На средбата се отворија доста значајни прашања за вработените во Општина Битола, и двете страни се согласија дека е потребно унапредување на правата од работен односно со потпишување на Колективен договор.

Двете страни се договорија да се формираат работни групи од страна на синдикатот и работодавачот, и да се отпочнат со подготовка на Предлог – текст на Колективен договор за вработените во Општина Битола.