Во просториите на Синдикатот на УПОЗ на 14.12.2021 година се потпиша Колективниот договор за вработените во Центарот за образование на возрасните со кој се унапредија правата на вработените од работен однос.

На 14.12.2021 година, Синдикатот на УПОЗ и Синдикалната организација при Центарот за образование на возрасните, претставувани од Претседателот на УПОЗ Трпе Деаноски и претседателот на Синдикалната организација Ирена Милков од една страна и Директорката на Центарот за образование на возрасните Аделина Алији го потпишаа Колективниот договор за вработените во Центарот за образование на возрасните.  

Овој колективен договор е мошне значаен за Синдикатот на УПОЗ, со оглед на фактот што синдикалната организација при Центарот за образование на возрасните, е нова синдикална организација која се приклучи кон Синдикатот на УПОЗ. Како прва значајна активност која ја имаше оваа организација е подготовката и потпишувањето на Колективниот договор за вработените во Центарот за образование на возрасните со кој се унапредија правата од работен однос на вработените во центарот.

Во наредниот период, ќе продолжат активностите на Синдикатот на УПОЗ за унапредување на правата од работен однос.

Делегатите на Осмиот Конгрес на Синдикатот на УПОЗ кој се одржа на 10.12.2021 година, усвоија резолуција за платите со што ќе се побара зголемување и усогласување на платите во државната администрација. Усвоената резолуција, ќе биде доставена до Владата на РСМ а воедно ќе биде побарана средба со Премиерот на РСМ со цел резулоцијата да биде образложена и да се разговара за платите на вработените во управата и правосудството. 

Врз основа на интензивните активности во врска со платите на вработените во управата и правосудството кои во изминатиот период ги презеде Синдикатот на УПОЗ, а незадоволни од односот на Владата како нивни работодавач, делегатите на 8-иот Конгрес на Синдикатот на УПОЗ предложија Конгресот да усвои резолуција за платите на вработените во управата и правосудството.

Поаѓајќи од податоците за висината на платите, констатираа дека во управата и правосудството, платите заостануваат во однос на платите на сите вработени во другите институции  од јавниот сектор.

Минималната плата во Република Македонија за период од неколку години се зголеми од 10.800,00 денари на 15.142,00 денари, но тоа на ја подобри состојбата со платите. Во одредени сектори на државата се изврши усогласување на платите со порастот на минималната плата, но таквото усогласување не се случи во управата и правосудството.

Висината на платите на вработените во управата и правосудството, во услови на растечката инфлација и секојдневното зголемување на цените, воопшто не можат да ги задоволат основните потреби за живот. Напротив,  ваквата состојба доведе до тоа стандардот на вработените да е загрижувачки низок, стапката на сиромаштија да е во постојан раст, а категоријата сиромашни граѓани се зголемува меѓу овие вработени, што е недозволено.

Поразителен е фактот дека 95% од вработените во управата и правосудството имаат плата која е пониска од просечната плата исплатена во државата, а од нив скоро 60% се на граница на минималната плата или добиваат и помала плата од минималната што е против законски.

Ова дотолку повеќе што ако се земе во предвид и фактот дека со воведување на концептот бруто плата во 2009 година, храната и превозот се сметаат и се исплаќаат како дел од бруто платата, а не како трошок, ќе дојдеме до податок дека над 60% од вработените во управата и  правосудството имаат плата под минималната плата.   

За таа цел делегатите на осмиот Конгрес на Синдикатот на УПОЗ ја усвоија следнава:

РЕЗОЛУЦИЈА ЗА ПЛАТИТЕ 

1. Вредноста на бодот предвидена во посебните закони да биде поврзана со порастот на просечната плата во државата. На овој начин вредноста на бодот нема да ја утврдува Владата со утврдување на државниот Буџет, туку вредноста на бодот ќе биде променлива секој месец и ќе расте со порастот на просечната плата;

2. Минималната плата да биде дел од основната плата на вработените во управата и правосудството, заедно со бодовите за образование и ниво. Ваквата пресметка на плата ќе придонесе платите на вработените најпрвин да се усогласат со досегашниот пораст на минималната плата, и следствено на тоа секоја година да се корегираат со порастот на минималната плата.

3. Платата на ниво помлад соработник (В4) да е во износ на просечната плата исплатена на ниво на државата, а сите останати плати по нивоа (Б и Г), да се во сооднос со ова ниво.

Трпе Деаноски со акламација беше избран за Претседател на Синдикатот на УПОЗ. На Конгресот беше избран и Надзорен одбор а се усвоија и Извештајот за работа на Синдикатот на УПОЗ меѓу 7.Собрание и 8.Конгес, Измените и дополнвуањата на Статутот на Синдикатот на УПОЗ како и Програмските активности за период 2021 – 2026 година.

Денес, 10.12.2021 година, во Хотелот Холидеј Ин во Скопје, се одржа Осмиот Конгрес на Синдикатот на УПОЗ под мотото “САМО ЕДИНСТВЕН СИНДИКАТ Е МОЌЕН СИНДИКАТ”.

На Конгресот од вкупно 71 делегат присутни беа и зедоа учество во работата 66 делегати. Како гости на Конгресот присуствуваа делегации од братските синдикати од регионот од Црна Гора, Босна и Херцеговина, Хрватска, Србија и Турција.

По усвојувањето на Деловникот за рабоат на Конгресот беше избрано работно претседателство во состав од пет членови и тоа: Александар Диље од Министерството за земјоделство, шумарство и водостопанство кој воедно беше и Претседавач на Осмиот Конгрес, Насуф Ќамили од Основниот суд Тетово, Магдалена Спасова од Општина Велес, Зоран Георгиевски од Државниот завод за статистика и Пецо Грујовски како Претседател на Синдикатот на УПОЗ.

Претседателот на Синдикатот на УПОЗ, Пецо Грујовски се обрати пред присутните делгати и гости, кој се осврна на активностите кои Синдикатот на УПОЗ ѓи имаше меѓу 7.Собрание и 8.Конгрес. Како едно од најголемите достигнувања во овој период, истакна претседателот Грујовски е потпишувањето на Гранскиот колективен договор за вработените во државната администрација, со кој се утврдија права кои низ годините наназад беа изгубени.  

На Осмиот Конгрес на Синдикатот на УПОЗ се расправаше за Извештајот за работата на Синдикатот на УПОЗ меѓу 7.Собрание и 8.Конгрес, Извештајот за Финансиско – материјалното работење на Синдикатот на УПОЗ меѓу 7.Собрание и 8.Конгрес, Измени и дополнувањата на Статутот на Синдикатот на УПОЗ како и за Програмските активности за периодот 2021 – 2026 година. Сите овие документи кои беа доставени до Делгатите на Осмиот Конгрес и беа усвоени едногласно и без забелешки. Покрај усвоените материјали, Осмиот Конгрес на Синдикатот на УПОЗ ја усвои и Резулоција за платите во управата и правосудството (кликни тука).

Конгресот на Синдикатот на УПОЗ по усвојувањето на документите од Осмиот Конгрес, заради истек на мандатот ги разреши досегашните членови на Претседателството, Претседателот на Синдикатот на УПОЗ и членовите на Надзорниот одбор. Работното претседателство на Осмиот Конгрес во име на сите присутни му изрази особена благодарност на досегашниот претседател на Синдикатот на УПОЗ Пецо Грујовски, кој беше на чело на Синдикатот во два мандати. Неговиот придонес е значаен со активностите кои ги имаше Синдикатот на УПОЗ како и придонесто кој претседателот Грујовски го има во сиот изминат период во синдикалното движење во Македонија.  

Осмиот Конгрес на Синдикатот на УПОЗ по разрешувањето на Претседателството, Претседателот на Синдикатот на УПОЗ и Надзорниот одбор премина на усвојување на Предлог – Одлуката за бројот и составот на Претседателството, Предлог – за можен кандидат за претседател на Синдикатот на УПОЗ и Предлог – за членови на Надзорниот одбор. За членови на Надзорниот одбор беа избрани Мијалче Дургутов од Државниот завод за ревизија, Меџди Мемети од Основниот суд Тетово и Драгица Јованова од Општина Гевгелија.

Врз основа на изветајот на Кандидационата комисија, беше верификуван мандатот на преставниците во Претседателството кое ќе се конституира на првата седница. Предлогот на Претседателството на Синдикатот на УПОЗ од седницата одржана на 20.10.2021 година, кое позитивно ја оцени работата на Трпе Деаноски и едногласно го достави предлогот на изјаснување на синдикалните организации како можен кандидат за Претседател. На седницата на Претседателството одржана на 30.11.2021 година врз основа на доставените записници, Претседателството го утврди Трпе Деаноски како можен кандидат за Претседател на Синдикатот на УПОЗ и овој предлог му го достави на Конгресот на изјаснување.

Со оглед што Трпе Деаноски доби безрезервна поддршка и масовна поддршка од синдикалните организации, делегатите на Осмиот Конгрес го избраа со акламација.