Непочитувањето на Колективниот договор за вработените во Општина Прилеп, преставува кривично дело, а Синдикатот на УПОЗ ќе ги искористи достапните механизми за доследна примена на Колективниот договор.

Во Колективниот договор кој беше потпишан на 30.12.2021 година помеѓу Синдикатот на УПОЗ и Општина Прилеп, се уреди начинот на пресметка на плата кој е усогласен со порастот на минималната плата. Овој Колективен договор беше изгласан и одобрен од страна на советниците на Општина Прилеп, за да само по еден месец истите советници кои гласаа за потпишување на Колективниот договор сега се противат на примена на истиот.

Имено со Одлука на Советот на Општина Прилеп, согласно член 24 од Колективниот договор, потребно е да се донесе нова одлука за вредност на бодот со која конечно платите на вработените во општинската администрација ќе се усогласат со порастот на минималната плата. Меѓутоа Советниците наместо да донесат таква одлука ја повлекуваат оваа тока од дневниот ред.

За таа цел, Синдикатот на УПОЗ преставуван од Претседателот Трпе Деаноски и претседателот на синдикалната организација при Општина Прилеп Бошко Талески, одржаа прес конференција со што ја запознаа јавноста за самоволијето на Советнициет на Општина Прилеп, и порачаа дека доколку доследно не се применува Колективниот договор тоа преставува кривично дело.

Синдикатот на УПОЗ во наредниот период ќе преземе се за вработените да го остварат ова правото од Колективниот договор, со цел да не се оштетува буџетот на Општина Прилеп во судски постапки, а воедно Претседателот Деаноски ги повика советниците да размислат уште еднаш, без разлика на ниванта политичка припадност и да си го одржат зборот за што го гласале и им дале шанса на вработените за пристојна плата.  

Денес, 12.01.2022 година, во Велес, се потпиша Колективниот договор за вработените во Општина Велес со кој дополнително се унапредија правата од работен однос за вработените во општината. Колективниот договор беше потпишан од Генералниот секретар на Синдикатот на УПОЗ Бојан Трипуноски, по овластување од Претседателот на Синдикатот на УПОЗ Трпе Деаноски и претседателот на Синдикалната организација при Општина Велес Магдалена Спасева од едната страна и Градоначалникот на Општина Велес Марко Колев од другата страна.

Овој Колективен договор е потпишан на задоволство на двете страни, кои за краток период се подготви текст со кој и вработените во Општина Велес ќе ги уживаат правата кои низ годините им биле ускратени.

Со овој Колективен договор се утврдени кретирумите за годишен одмор, платени и неплатени одсуства, надоместоци на плата и други примања, исплата на регрес за годишен одмор, надоместок за учество во комисии, право на еднократен надомест итн.

Генералниот секретар на Синдикатот на УПОЗ Бојан Трипуноски, истакна особено задоволство за соработката во изминатиот период како и потпишувањето на Колективниот договор. Радува фактот што и Општина Велес влекува во групата на општини со кој Синдикатот на УПОЗ ги унапреди правата од работен однос, како и искажаната волја на Градоначалникот Колев за унапредување и грижата за правата на вработените во општината.