Со овој договор Синдикатот на УПОЗ им овозможува на своите членови и на членовите на нивните потесни семејства да студираат и да ја плаќаат школарината на 12 месечни рати или во готово со 10 % попуст.

На ден 15.10.2020 година, во просториите на Меѓународниот славјански универзитет “Г.Р. Державин” во Свети Николе беше склучен договор за деловно техничка соработка со кој на членовите на Синдикатот на работниците од управата, правосудните органи и здруженија на граѓани на РМ (УПОЗ) и нивните семејства им се овозможува студии по промотивни цени.

Овој договор беше потпишан од страна на ректорот на МСУ “Г.Р. Держави” проф. д-р Ленче Петреска и претседателот на Синдикатот на УПОЗ Пецо Грујовски.   

Со овој договор, се овозможува почнувајќи од оваа учебна година користење на промотивни пакети за студиски циклуси кои се во реализација на Меѓународен Славјански универзитет “Г.Р. Державин” со безготовинско плаќање на 12 еднакви месечни рати. Висината на школарината за студии од втор циклус (3+2 и 4+1) за една академска година ќе изнесува 1.530 евра во денарска противвредност.

Членовите на Синдикатот на УПОЗ или членовите на нивните потесни семејства овие погодности за студирање на Меѓународниот славјански универзитет можат да ги остварат со доставување на потврда за членство во Синдикатот на УПОЗ при самиот упис. Потврдата (кликни тука) можете да ја добиете од претседателот на Синдикалната организација или директно во Синдикатот на УПОЗ. За сите подетални информации можете да се информирате на web страницата на универзитетот www.msu.org.mk .

Секцијата на Млади при Синдикатот на УПОЗ, заедно со Синдикалниот центар за едукација и обуки, ја одржаа повеќедневната онлајн работилницата ЗАШТИТИ ГО ПРАВОТО НА ТВОЕТО ПРАВО, активност која е финансирана од Европската младинска фондација на Советот на Европа.

На оваа работилница, учество зедоа 24 млади синдикални активисти од  повеќе синдикални организации членки на Синдикатот на УПОЗ, кој дискутираа за заштита на своите човекови права за време на вонредна состојба со акцент на правата од работен однос и социјалните права, а беа запознаени и со достапните механизмите за заштита. Оваа работилница, беше орагнизирана на платформата ZOOM, која беше прво искуство како за самите учесници така и за проектниот тим.

Учесниците на почетокот со мала доза на резерва ја прифатија оваа работилница со оглед на фактот што за прв пат учествуваат на ваква онлајн работилница, но со самиот тек овие недоумици и страв, прераснаа во една плодна дебата и разменување на мислења.

За време на вонреданта состојба, учесниците се соочиле со голем број на курсеви, обуки преку Интернет, кои за сите нив биле новина, но ваквиот вид на едукација, во овие моменти е единствениот начин да се слушнат нивните проблеми со кои се соочиле во изминатиот период. Беа претставени повеќе платформи како ZOOM, MENTIMETER, PADLET, JAMBOARD, MENTIMETER и слични, а се со цел, да се подготват за нивните активности во нивите организации.

На оваа работилница, главен акцент беше ставен на тоа што е вонредна состојба, кој ја прогласува и како треба ние да се однесуваме за време на истата. Се покажа дека доста малце од учесниците се запознаени со тоа што значи вонредна состојба. По краткиот теоретски дел кој од страна на експертскиот тим беше презентиран, учесниците се вклучија во дебата и разменуваа мислења.

Како задача која треба да ја спорведат самите учесници е организирање на шест мали работилници во нивните организации со цел да продускутираат за повреда на права од работен однос и повреда на човекови права но и достапните механизми за заштита. Во натамошниот тек на овој проект ќе биде реализирана и медиумска кампања, со која младите ќе се запознаат со своите права за време на вонредна состојба.

Денес, Синдикатот на работниците од управата, правосудните органи и здруженија на граѓани на РМ (УПОЗ), упати барање до Министерството за информатичко општество и администрација (МИОА) и побара поголема заштита на вработените на работните места, преку обезбедување на заштитни средства, доследно почитување на препораките за заштита, дво сменско работење и работење од дома.

Имајќи ги во предвид бројките на заразени кој за жал секој ден се сe поголеми како и целокупната состојба со вирусот Covid 19 во нашата држава, Синдикат на УПОЗ бара од надлежно министерство за вработените во државната управа да ги преземеме сите можни мерки за заштита на здравјето на вработените.

Од информациите кои ги добиваме од нашите синдикални организации се вели во барањето на Синдикатот на УПОЗ, можеме да заклучиме дека во институциите на државната управа мерките препорачани од страна на Владата или не се почитуваат или воопшто не можат да се применат. Ова е од причина што условите за работа на голем број вработени тоа воопшто не го дозволуваат и поради фактот дека голем број од работодавачите воопшто не се ни потрудија да обезбедат основни средства за заштита на здравјето на вработените.

Во барањето Синдикатот на УПОЗ укажува дека од почетокот на пандемијата во многу институции се покажа дека работата од дома со ништо не го нарушува нормалниот процес на работа. Бидејќи се најавува дека Владата и Собранието своите седници ќе ги одржуваат online, Синдикатот бара да се предвиди и овозможи работа од дома за вработените во државната управа. На овој начин ќе се спречи ширењето Covid 19, а работните задачи ќе бидат завршени навремено и ефикасно.

Исто така, Синдикатот на УПОЗ бара да се обезбедат и основни средства за заштита на здравјето на вработените (маски, средства за дезинфекција), да се создадат услови во канцелариите да се одржува растојание од 1.5 до 2 m, на сите шалтери да се постават паравани за заштита, да се воведе дво - сменско работење во институциите и друг вид заштита за да се намали бројот на вработени во канцелариите во исто време.