Потпишување на нов Колективен договор и продолжување на социјалниот дијалог и партнерство беа темите за разговор на денешната средба на претставниците на Синдикатот на УПОЗ и директорот на Агенцијата за вработување.

Претседателот на Синдикатот на работниците од управата, правосудните органи и здруженија на граѓани на РМ Пецо Грујовски, Генералниот секретар Трпе Деаноски, Претседателот на Синдикалната организација при Агенцијата за вработување Стефанка Витеска и Членот на Советот на ССМ од Синдикатот на УПОЗ Бењат Бакии одржаа работна средба со Директорот на Агенцијата за вработување на С. Македонија (АВРСМ).

Главно прашање на оваа средба беше договор и продолжување на активностите за потпишување на нов Колективен договор за вработените во АВРСМ со цел да се подобрат правата од работен однос на вработените и да се прецизираат нивните обврски.

Директорот на АВРСМ г – дин Абдуш Демири истакна дека од страна на АВРСМ во најкраток можен рок ќе се формира работна група за потпишување на новиот Колективен договор и  изрази подготвеност за подобрување на воспоставената соработка со Синдикатот на УПОЗ и подобрување на правата на вработените.

Секцијата на млади при Синдикатот на УПОЗ заедно со Синдикалниот центар за едукација и обуки Скопје, како резултат на проектот ЗАШТИТЕТЕ ГО ПРАВОТО НА ВАШИТЕ ПРАВА, подготви краток видео спот. 

#eyfcoe 

На 30.10.2020 година, Синдикатот на УПОЗ и Општина Куманово претставувани од Претседателот на Синдикатот на УПОЗ Пецо Грујовски, претседателот на Синдикалната организација при Општина Куманово Дарко Станојковски  и Градоначалникот на Општина Куманово Максим Димитриевски го потпишаа Колективниот договор за вработените во Општина Куманово.

Оваа активност е уште еден показател дека Синдикатот на УПОЗ и натаму продолжува со склучување на колективни договори на ниво на работодавач. Колективниот договор за вработените во Општина Куманово содржи одредби со кое се подобруваат правата на вработените и нивата положба.

Со овој Колективен договор решен е и проблемот со платите на професионалните пожарникари вработени во Општина Куманово и мислиме дека ова решение може да се примени во сите останати општини како и во Градот Скопје.

Во наредниот период Синдикатот на УПОЗ ќе продолжи со своите активности за потпишување на колективни договори на ниво на работодавач и во други институции.